專家拆解︳中國「唔還loan」遍地開花 （股榮）

相信很快，「強制停貸」會成為禁語 ，之所以強國人夠膽「惡意賴數」，源於多間內地發展商資金鏈中斷，唔找數俾供應商，亦唔出糧俾建築工人，致樓盤淪為爛尾樓。因此，買了樓花既強國人，見起利益受損，苦主互相QQ入苦主group，聲言內房日唔開工，就唔還銀行loan。如果一兩個盤，當然可以很快「解決」，但原來爛尾盤既數量，截至執筆一刻，已經有超過80個，而估計數字會破百。「唔還loan」遍地開花，開始上演。

網上瘋傳一張「全國業主發佈強制停貸項目統計表」，一夜間，「強制停貸」的樓盤由17個，增至最新84個，涉及數十萬業主。

「強制停貸」榜，暫時以河南稱冠，總數有31個爛盤，而近日有銀行儲戶維權抗議遭毆打的，亦是河南。排名第二及三分別為湖北及湖南，爛尾數目分別14及13個，而大灣區所屬的廣東暫時有一個佳兆業樓盤，不過相信後勁會凌厲。

表中顯示，既有省會城市，更多是三四線城市。主要樓盤包括恒大、奧園、新力、融創、泰禾、世茂、鑫苑、實地等開發商，當中以恒大成為核心。