兩度燒毀再重建｜保育國際金融中心遺址 化身名店餐廳及辦公室用地

在港府官員對號入座、強烈譴責前，先旨聲明今次唔係講緊香港，不過以下嘅保育例子都可以作為借鏡。

倫敦 Royal Exchange 由英國企業家 Thomas Gresham 根據世上首座交易所建築、比利時嘅 Antwerp Bourse 自資設立，係倫敦第一座專門用作商業交易嘅建築物，於1571年由英女王伊莉沙白一世揭幕，並且由女王陛下贈予皇家之名。呢座第一代皇家交易所在1666年倫敦大火中燒燬，而第二代以巴洛克風格重建嘅建築亦喺1838年被可能係租客 Lloyd’s 嘅火爐所引起嘅大火再次燒燬。

現時嘅第三代皇家交易所係 Grade I listed 嘅受保護建築，由 Sir William Tite 於1841-44年間以古典風格設計及興建，用上 Corinthian 希臘柱式建造，但結構其實係石屎，今次就由維多利亞女王揭幕。Royal Exchange 正門前有一座威靈頓公爵嘅雕塑，據聞係以滑鐵盧戰役中得來嘅法國槍械所鑄造。不過多災多難嘅 Royal Exchange 在二戰德軍空襲期間又再度被破壞，戰後不久交易所就停止運作，從此建築物疏於保養長達數十年之久，直到2001年被大規模翻新成名店、餐廳及辦公室。貫徹其交易所遺址嘅宗旨，Royal Exchange 只在星期一至五開放做金融界生意，周末收市，毫不在意繽紛與否。

不過倫敦城歷史悠久遺址處處，實在無需要覺得羞愧。當年 Royal Exchange 內並唔容許股票交易，因此古時嘅股票經紀要移師到 Royal Exchange 附近嘅幾間咖啡店進行，故該後巷被命名為 Change Alley 至今。當時其中一間位於 Royal Exchange 對面馬路嘅 Lloyd’s Coffee House 正正係 Lloyd’s of London 始祖 Edward Lloyd 嘅發跡之地，專科為航海業提供保險等服務，但今日縱然未退化為魚港亦已相距不遠。

 

舖位遺址現時係由 Sainsbury’s Local 所佔用；而 Edward Lloyd’s 嘅後人唔知係咪因為曾被 Royal Exchange 拒諸門外而懷恨在心，而導致後來出現1838年嘅大火意外。Lloyd’s of London 在1986年搬到過兩個街口、由 Lord Richard Rogers 所設計嘅現代化總部，事隔25年後，Lloyd's 被列入為最高級別嘅 Grade I Listed 保護名冊，係當時最年輕獲得呢個待遇嘅建築物，與年長142年嘅 Royal Exchange 互相輝映。

 

保育國際金融中心遺址至於倫敦嘅股票交易後來受到正式演變為 London Stock Exchange，並在2004年入主位於 Paternoster Square 嘅現址，令原來嘅 Stock Exchange Tower 又成為另一個遺址。